Dawa khot dorbar kyrpang ka VPP ban ïatai ïa ka Roster System

Yn sdang ki jingïalang pynshai paidbah

0

Shillong, ïaïong 04: Ka Voice of the People Party (VPP) ha ka jingialang ba la pynlong ha ka 4 tarik Iaiong 2023 ka la shim iaka rai ban phah jingthoh sha u Myntri Rangbah ka jylla bad u Shongknor ka Meghalaya Legislative Assembly ban khot ïa ka dorbar ba kyrpang ban ïatai ïaka jingpyntreikam ïaka Roster System bad ïaka bhahkam ha ka jylla halor ka nongrim jong ka rai jong ka iingbishar ba donburom, Ka Meghalaya High Court ba la pynmih ha ka 3 tarik Iaiong 2023.“Katkum ka Kyrwoh ba la phah da u Dr. Batskhem Myrboh, Nongaiktien ka Seng, la ong ba khnang ban wanrah ïaka jingsngewthuh paidbah ïaka jingktah ka Roster System khlem da wanrah shwa ïaka jingpynkylla ha ka rukom bhahkam, ka Party ka la shim ruh iaka rai ban pynlong ïa ki jingialang paidbah ha ki nongbah jong ki district bad ki sub-divisionha kine ki sngi ban wan.“Ha kine kine ki jingïalang, la rai ruh ban ai iaka jingpynshai paidbah shaphang ka jindonkam ban ïeng rangbah pyrshah ïaka jingpyrshang ban thyngian jubor ïa ka wei ka ktien ha ka Ri India baroh kawei bad ka jingdonkam ban pynrung noh iaka Ktien Khasi bad Ktien Garo ha ka Khyrnit ba phra jong ka Riti Synshar ka Ri India.“Ka Seng kawer ïa ki paidbah ban ïa wan sngap ïa ki jingpynshai ka Party. Ia ki tarik jong ki jingialang yn sapyntip kham hadien.“Lah ban kdew hangne ba ka ïingbishar High Court of Meghalaya, ha ka 3 tarik mynta u bnai, ka la pynmih ïa ka rai da kaba ong ba kadei ka kamram jong ka sorkar bad ka jingïatai ka Meghalaya Legislative Assembly ban buh ïa u snem na ka bynta ban pyntreikam ïa ka Roster System. Ha kane ka jingbishar ka ïingbishar ka la pynduh pyndam ruh ïa ka PIL ba la ujor da uwei u Greneth M. Sangma, da kaba ong ruh ba kadei ka jingthmu ban pyntngit shuh shuh ïa ka um kaba la jngut lypa.

Leave A Reply

Your email address will not be published.