Nongpoh, Lber 25: Ka Ri Bhoi Youth Welfare Organization mynta ka sngi ka la dawa syndon na ki bor synshar district ka RI Bhoi ba kin phai khmat shwa ïa ki nongpynbiang bam ha kane ka election MP na Ri Bhoi bad ym ba ailad ïa ki nongpynbiang bam kiba na shabar ka District.
U General Secretary ka RBYWO, u Samla Kenny Nongrum, u la pynpaw ïa kane ka jingsngewkhia, ka dei hadien ba ka seng ka la ioh pdiang ïa ka jingujor na ki trai District kiba ju pynbiang bam ha ka por election ba kim ioh satia ban shalan bam bad la ioh pynban da kiwei kiba dei na bar District.
U la ong ba ka seng ka ka dawa na ka bor synshar District ba ha kane ka election MP ka ban sa long ha ka 19 tarik u ïaiong 2024, ki dei ban ai lad shuwa ïa ki trai ka District ban pynbiang bam ha kane ka election bad kum ka seng ka pyrshah jur ruh lada wat ïa ka kam ban pynbiang bam ha ka por election sha ki nongtrei sorkar la hap ban shim na kiwei ki District katba ki trai district pat ki shong khlem kam khlem jam, u la bynrap.
