Nongstoiñ, Jymmang, 11: Ka seng Meghalaya Youth Federation lyngba u President Bah Hamar Lyngkhoi, ka dawa na ka tnad MeECL, ban bujli mardor ïa ki post lait kiba la bam sarang naduh na trai, namar kane ka jinglehsting khlem pep ha kawei ka sngi kan sa wanrah ïa ka jingma ïa ki paidbah nongshong shnong.
Ka seng hadien ka jingleit jurip ïa ka jinglong jingman bad ka jingtreikam jong ka tnad MeECL ha ki shnong ba kham jngai na sor Nongstoiñ, khamtam ha ka shnong Mawduh ha kaba ka la lap ba ka MeECl kam ñiewkor ïa ka jingujor jong ki bor shnong ruh, watla bunsien ki la dep ban ujor sha kane ka tnad.
Ka seng namar kata, ka maham ïa ka tnad MeECL ba ka dei ban leit bujli mardor ïa kitei ki post lait ki bym long shuh kloi katba lah namarba lada u slap bad ka lyer ba jur kin wan, ka jingma ka ap lypa ïa ki nongshong shnong.
Ka seng ka kyntu ba ka MeECL ka dei ban pyndep kloi ïa kane ka kam bad kam dei satia shu sngap mynthi ioh ba kan wan jia kano kano ka jingjia basngewsih ha ki paidbah nongshong shnong ha ka por bym poi pyrkhat.
