Shillong, Jymmang 14: Ka All Jaiñtia Muster Roll Workers & Labour Union (AJMRWLU) ha ka sngi Balang ka la dawa ïa ka sorkar ba kan pyrkhat ïa ka tarik ban revised minimum wage ban pyntihkna ban pyntreikam ïa kane ka kam naduh u bnai Risaw kaba dei ha ka shi tarik, 2023.
Ha ka shithi ba la aiti sha u Myntri rangbah ka jylla u Conrad K Sangma, ka president ka union Meri Shangpung ka la ong, “Ngi da kyrpad jur ïa ka sorkar ba kan pynbiang ïa ki tarik ha kaba ïadei bad ka revised minimum wage bad ban pyntreikam naduh ka 1 tarik u Risaw, 2023, kaba dei ruh katkum ki kyndon jong Act bad kumjuh ruh na ka bynta ka bha ka miat jong baroh ki nongtrei.”
Haba phai sha ka Minimum Wages Act, 1948, la ong ba ka dei ka kamram jong ka sorkar ban peitbniah biang ïa ka jingsiew bai nong bylla kaba ym duna ïa ka san snem. La ong ruh ba ka jingpynkylla ïa ka revision of minimum wage ha Meghalaya ka pynbna ha ka 1 tarik jong u bnai Risaw, 2018.
