Shillong, Lber 15 : Ka sorkar jylla haduh mynta ka dang ap ïa ka jubab na ka tnad Pule Puthi jong ka sorkar pdeng na ka bynta ban pyllait ïa ka Meghalaya na ka Common University Entrance Test (CUET).
“U Myntri Rangbah u la dep ban kynduh ïa u Myntri ka sorkar pdeng ban kyrpad ba dei ban pyllait noh ïa ka jylla hynrei haduh mynta ngi dang ap ïa ka jubab,” ong u Myntri ba thymmai ka tnad Pule Puthi ka Jylla, u Rakkam A Sangma.
Ha ka shithi sha u Myntri ka tnad Pule Puthi ka sorkar pdeng u Charmendra Pradhan ha ka 07tarik mynta u bnai, na ka liang u Myntri Rangbah ka jylla, Conrad K Sangma u la dep ban kyrpad ïa utei u Myntri ban pyllait noh ïa ka jylla na kaba pynlong ïa ka CUET.
“Ka jylla ka dang shu dep shen ban pynlong ïa ka elekshon MLA, ha kaba ïa ka result la dep ban pynbna ha ka taiew ba la dep. Kane ka long ka daw ka jingpynslem ïa ka result jong ka Board examination, kumta ki samla ki la shem jingeh mynta ban ïakhun ïa ka CUET na bynta ki jingpule kiba kham shalor,” u la ong.
