Nongstoiñ, Naiwieng 28: Ka Hynñiewtrep Youths Council West Khasi Hills District bad ka Hynñiewtrep Achik National Movement ha ka sngi hat majai, ka la leit ïakynduh ïa u Deputy Commissioner jong ka West Khasi Hills ryngkat ka jingthoh, ha kaba ïa dei bad ka jingai pahara kaba paka ha ki shnong ha ki thaw ki iew ki hat, namar ha kine ki aiom ki bnai ka dei ka ka aiom leh kmen leh sngewbha.
Ki ar seng ki la pynpaw ba ka ju don ka por ba ka don ka jingklumar ne ka jingpynklumar na ka daw ka jingshonngshit dih kyiad. Kaba ar ka long ba ka jingkynrei jong ka jing tyngkhuh kali ha ka surok bah National Highway jong ka Nongstoiñ kumjuh ha ki shnong ki thaw.
Kane ka baroh ka dei ka jingleh thurmur bad ka jingdih kyiad ha ka por ba ñiah kali, te bun kiba lah mynsaw kiba khlad don ruh kiba duh noh ïa ki dkhot met tang na ka daw kine. Kumta na ka liang jong kine ki seng ki la kyrpad ïa u DC ban pynjur ïa ka jingtalasi ïa ki kali bad u nongñiah kali u dih kyiad ne em. Lada lap ba u dih kyiad ha ka por ba ñiah kali, dei ban pynshitom bad pynduh laisen kali.
