Da ki Solar Street Light ba 9 lak ai ka tnad Custom sha ki 4 tylli ki Shnong ban leit sha Sohra
Shillong, Risaw 27: U Sanjay Kumar Agarwal, Chairman ka Central Board of Indirect Taxes and Customs (CBIC), u la plié paidbah bad shimti ia ka projek Solar Street Light Project ha saw tylli ki shnong kiba kynthup ka Mawjrong, Dympep, Laitsohpliah bad Sohrarim kiba hap hapoh ka East Khasi Hills District jong ka jylla Meghalaya. Kine ki shnong ki jngai kumba 28 haduh 40 km na nongbah Shillong, ha ka lynti ban leit sha Sohra, bad bun kiba sah ba shong ha kine ki shnong kidei ki Khasi.
Kine ki shnong ki dei kiba rit bad ki nongshnong shnong ki don kumba 600 ngut ha man kine ki shnong. Ki dang don shibun ki jingduna bad ki nongshong shnong ki hap trei shitom ban kamai jakpoh. Bun ki long ki nongrep bad ki pyniaid ruh ia ki dukan die ja die sha na ka bynta ki nongjngoh kai. Kine ki shnong ki don ha ka lynti ban leit sha Sohra kaba khring bha ia ki nongjngoh kai. Ka surok ka long kaba bha hynrei ym pat don ki street light ha kine ki jaka.
Naduh ka por ba dang pynkhreh nyngkong, ka projek solar Street Light ka la urlong hapoh 14 sngi ha ka jinglut kaba kot kumba T. 9 lak tyngka.
Ka ophis jong ka Commissionerate of Customs (Preventive), Shillong hapoh ka Guwahati Zone, kum shi bynta ka Swachhta Action Plan hapoh ka Special Campaign 3.0, ka la pynbiang 49 tylli ki solar street light ha kine ki saw tylli ki shnong ha ki jaka ba donkam bha ia kine kumba la jied da ki bor pyniaid shnong. Kine ki solar light kin iarap bha ia ki nongshong shnong bad kin iarap ruh ban pynthikna ka jingkhuid bad ka jingshngain ha kine ki jaka.
Kane ka sienjam jong kane ka tnat kan iarap bha ban plié lad ia kine ki shnong bad kan iarap ruh ia ki nongshong shnong. Kin pynitynnad ia ki shnong bad kin iarap ruh ban kyntiew ia ki kam jngoh kai bad ka bha ka miat jong ki nongshong shnong.
Ka Chief Commissioner jong ka Guwahati Zone, ka Bandhana Deori; Pr. ADG, DGHRD, u Rajeev Yadav; CCP (NER) u Mahfuzur Rahman; u R.K. Chandan, Commissioner, CGST, Guwahati bad Dimapur; ki ophisar ka CBIC bad DRI, ki ophisar bad ki nongtrei Customs, CGST & CX Guwahati Zone, ki ophisar na ka block, ki nongpyniaid shnong bad ki nongshong shnong ki la iadon lang ha kane ka sngi.