Jowai, Nohprah 15: Kum shi bynta ka jinglehkmen Christmas ki shi paralok kata u ma Pyndap Shadap, u ma C. Phawa, ma H. Sungoh bad u ma Dawan Lyngdoh MDC ki la leit ban ai sngewbha da ki Blanket ne kymmor thiah sha ki paidbah nongshong Shnong Thangrong.
Hashwa ban ai ïa kine ki kymbor la don ka jingïalang ba lyngkot ha kaba la pdiang sngewbha ïa ki da u Chairman Shnong ma Kwit Khyrwang ryngkat ka jingïadonlang ki Rangbah ki longkmie bad ki hep barit.
La ïoh ïa ka jingkren na u ma P. Shadap, ma S. Phawa, ma L Sungoh bad na u ma D. Lyngdoh MDC, haba ai jingkren kila ong ba kum ka dak ka jingleh kmen Christmas kila shim ïa kane ka lad ban ïarap da kien ki jingai barit sha ki paradoh para snam kiba sah sha Thaiñ Khappud kiba la mad shibun ki jingeh ha ka jong im ba manla ka sngi.
U ma Dawan Lyngdoh MDC ula ai mynsiem ïa kine ki paradoh para snam kiba don sha kane ka Thiañ ban long kiba siañ bad ban ïa tylli ha kini kino ki kam.
Ha shwa ban Sam ïa ki jingai sngewbha la ïoh ïa ka jingduwai na i bah W. War bad la ai ïa ki jingai sngewbha da kine ki Rangbah.
