Da ki MTAB sam ka Myntri sha ki khynnah pule klas XI ban kyntiew ïa ka jingstad technology

Shillong Kyllalyngkot 22: Ka Myntri ka Koit ka Khiah ka Dr Ampareen Lyngdoh mynta ka sngi Balang, kala sam ïa ki MTAB (PC Tablet) sha ki khynnah pule Klass XI jong u snem 2023-24, ha ka jingïalang kaba la long ha Soso Tham Auditorium, Shillong.
Ha kane ka jingsam ïa ki MTAB la ïoh ïa ka jingkren na ka Kong R.M. Kurbah, ka Deputy Commissioner jong ka East Khasi Hills District bad u Pravin Bakshi uba dei u Commissioner & Secretary ka tnad I.T. ha kaba ula kren shaphang ka jingkongsan jong ki kor teknoloji ha kaba ïadei bad ka pule puthi.
Ki la don 15 ngut ki khynnah pule na ki skul bapher bapher kiba la ïoh pdiang ïa ka MTAB na ka Myntri Sorkar bad na ki heh sorkar kaba dei ruh ka jingïaid shaphrang jong ka sienjam ban sam ïa kine ki tiar sha baroh ki skul kiba don hapoh ka District.
Kane ka jingthmu ka long ban wanrah ïa ka lad ban kyntiew ïa ka rukom ïoh jinghikai ki khynnah da kaba pyndonkam ïa ki kor ki bor
jong kane ka juk ba mynta.
Haba kren ha ka jingïalang ka Dr. Mazel Ampareen Lyngdoh kala banjur ïa ka jingkongsan jong ka pule puthi bad ïa ka bynta kaba khraw jong ka teknoloji ha ka ban saiñdur ïa ka lawei.