Shillong, K’lyngkot 22 : U Myntri Rangbah ka Jylla u Conrad K Sangma ula pan ïa ka jingïarap pisa na ka Sorkar Pdeng ban pyntrei ïa ki project bapher bapher ba palat 1000 klur tyngka hapoh ka Ministry of Minority Affairs (MMA).
Haba pyntip ïa kane mynta ka sngi Balang, u Conrad ula ong “Nga la ai ïa ki jingtyrwa ïa ki katto katne ki project kiba kot jan kumba T.1000 tam klur ban ai jingmynjur. Nga la kyrpad ïa u Myntri ba un kyrshan ïa ngi ha kine ki project”.
U bynrap “U Myntri ula pan ïa ka jingpynshai shuh shuh halor kine ki project. Kumta ngin sa ïakren bad ngi kyrmen ba katto katne ki project kin sa ïoh jingmynjur”.
