Nongstoiñ, Jylliew 07: Da ki spah ngut ki nongrep jong ka West Khasi hills ki la ïoh ïa ki jingïarap ba bun jait na ka sorkar lyngba ka ophis jong u District Horticulutre Officer ha une u snem 2026 ha kaba ka jingai ïa ki jingïarap sha ki nongrep ka la sdang naduh u bnai Kyllalyngkot ter ter haduh kine ki sngi.
Ki jingïarap kiba katei ka ophis ka la dep ban sam sha ki nongrep ha ki bnai bala dep ki long ki symai jong ki mar rep kum u sying, shynrai, ki jhur ki jhur ki jhep bad kiwei kiwei.
Kumta ban nang pynbha bad pyshlur shuh shuh ïa ki paitbah nongrep ba kin pynkhlain ïa ka rep ka riang ha ka sngi thohdieng jong ka taïew ba la dep ka ophis jong u District Horticulture West Khasi hills ha ryngkat ka la lum lang ïa ki nongrep kiba hap hapoh jong ka Nongklung OPCS na ka bynta ban sam ïa ki kor lur lyngkha bad kiqwei kiwei ki tiar kiba ka sorkar ka la ai sha ki nongrep lyngba katei ka ophis. Ka jingsam jong ka ophis ïa ki tiar sha ki nongrep ka kynthup lang ruh ïa kiwei pat ki tiar ba ki nongrep kin pyndon kam kum ki kor shoh kba, water pump, ki kor ot phlang bad kiwei kiwei. Nalor kata ha katei ka sngi la sam ruh ïa ki garden iotchens kids na kabynta ki skul ba kin pyndon kam ha ki bynta ba ki buh ïa ki jaka rep juhr ha ki compound skul.
Ha katei ka sngi shuwa ban sam ïa kitei ki tiar sha ki nongrep bad ki nongkhikai skul la pynlong ïa ka jingïalang ba lyngkot ha ka hall jong katei ka ophis ha kaba la pynïaid da u bah T.Diengan District Horticulture Officer West Khasi hills ha ryngkat ka jingïadon lang jong u bah Gabriel Wahlang MLA ka Nongstoiñ constituency uba long u kongsan ki ohisar jong ka ICAR Umïam ki nongrep kiba dei iki dkhot jong ka Saiñdurlang OPCs Nongklung bad kiwei kiwei kiwei.
Ha katei ka jingïalang la ïoh ïa ka jingpynshai na u bah T.Diengan DHO ha kaba ïadei bad ki jingïarap ba ka sorkar ka la ai sha ki paitbah lyngba katei ka ophis.
U bah Diengan haba ai jingpynshai ha katei ka sngi u la ong ba ka thong ba hakhmat eh jong ka sorkar ka long ban pynshlur ïa ki nongrep ba kin kiar na kaba pyndon kam ïa ki sboh dawai fertilizers ba la shna da ki Kompeni hynrei ba kin pynkhlaiñ ban pyndon kam da ka sboh ba ki shna hi (organic farming) ki bym don jingktah ïa ka koit ka khiah.
Nalor kata u la ong ruh ba ka sorkar ka la pyrshang katba lah ban kyntiew ïa ka rep kariang bad ka la pynshlur ruh ïa ki nongrep ba kin pynkhlaiñ ban rep ïa u soh kiwi namar udei u jaitsoh uba ïaid ïew haduh katta ktta bad lada ki nongrep ki la lah ban pynbun ïa u soh kiwi ha ki jaka rep jong ki kan longkajingmyntoi kaba khraw bad kan kyntiew ïa ka ïoh ka kot jong ki.
U Bah Gabriel Wahlanghaba kren kum u kongsan u la ong ba ka ki nongrep ki dei ki kynrad hapoh ka ri baroh kawei hynrei bun ki nongshong shnong ki kham ïabeh ïa ki kam sorkar bad kim ñiewkor ïa ka rep ka riang hynrei lada ngin peit ha kiwei pat ki jylla ki nongrep ki dei ki rishot kiba khlaiñ tam na ka bynta ka ïoh ka kot hapoh ka ri.
U Bah Wahlang u la kyntu ïa ki ngrep ba kin trei shitom bad pyndonkam hok ïa ki lad jingïarap ba ka sorkar ka la ai.
Ha katei ka sngi kum ka dak jong ka jingpyllait ïa ki kor lur lyngkha u kongsan u la aiti ïa u shabi ha u bah Lumlang Kharsyiemlieh nongïalam ka Saindurlang OPCS Nongklung.
