Da ki jingdih coffee bunjait wanrah ka Starbucks ïa ka dukan nyngkong ha Khyndailad Shillong

Shillong, Nailur 16: Ka TATA Starbucks ka la pynbna ïa ka jaka die ba nyngkong eh ha Meghalaya, kaba dei ka dukan ban die coffee kaba la pynïar ïa la ka jong ka thapniang sha kane ka jylla napdeng kiwei pat ki jylla ha ka ri India bad kane ka dukan ka dei kaba don ha Khyndailad Shillong.
Nalor kadei ka dukan kaba la pynkhreh itynnad bha, haba kynthoh haba plie ïa kane ka dukan ha ka sngi balang, U Adrit Mishra, Chief Operating Officer, TATA Starbucks, u la ong ba u pynpaw ka jingkmen ban warah ïa ki jingmad jong ka Starbucks ha kane ka thaiñ shatei lammihngi ha kaba kaba nyngkong ka long mynta ruh ha Shillong.
U la ong ba ha Starbucks, ka jingieid ïa u coffee ka long hapdeng ka dohnud na ka bynta baroh kiba kwah bad kadei kawei na ki jingdih coffee ba bha tam da ka jingdon ki paralok ba ka shah hikai bad da kane ka store kaba thymmai kaba don bun jait ki jingdih Coffee ha ka pyrthei kane ka store ka khot sngewbha ïa baroh ban wanlang bad mad ïa ki coffee bapher bapher.
Ha kane ka store kin don ki jait jingdih coffee kum ka Starbucks signature Java Chip Frappuccino bad Zesty Orange Cold Brew ba la shna da ki arabica bean, nangta kum ka Strawberry Açaí bad Mango Dragonfruit Refreshers, nangta kynthup ïa Protein Cold Foam ha u Chocolate, Banana bad Vanilla, bad zero-sugar Vanilla, Hazelnut bad Caramel.
Ki don ruh ki jait jingbam kiba thymmai ba kynthup ïa Mushroom Melt Sandwich, Tofu & Spinach Croissant Sandwich bad Bhuna Chicken Puff, ba kynthup ïa Double Chocolate Chip Cookie bad Banana Chocolate Loaf Cake.
Ïa ka TATA Starbucks Shillong store kan plie paidbah ha ka 19 tarik mynta u bnai naduh ka por 8 baje mynstep haduh ka 11 baje mynmiet.