Shillong, Nohprah 19: U Bah Sondaring Mawlieh u la phah ka jingujor ba ha ka 12 tarik mynta u bnai ha ka por 5.30 baje janmiet, 4 ngut ki runar bym lah ban ithuh kiba la kah dur khmat ki la rung hapoh ka dukan jong u kaba ha Mawiong Nongkhlaw (EWKH) bad da ka bor ki la knieh ka pisa T. 2,000/- da kaba pynap da ka suloi.
Ha ka 17 tarik mynta u bnai ha ka por 11 baje mynmiet, ki runar bym lah ban ithuh ki la shoh ïa uwei u briew uba kyrteng u Bah Hector Sohshang ba la 57 snem ka rta ha Bara Bazar, China Town, Shillong, ha kaba une u rangbah u la mynsaw.
