New Delhi , Risaw 25 : Ka National Council of Educational Research and Training (NCERT) Committee ka la rai ban bujli noh ïa ka kyrteng ‘India’ da ka ‘Bharat’ ha manla ki kot ba pule ha ki skul hapoh ka Ri.
Ka NCERT kala shim ïa kane ka rai ha ka jingïalang ba long mynta ka sngi haba mynjur ruh ban bujli noh ia ka sobjek ‘Classical Hisoty’ na ka ‘Ancient History’. Ia kane la pynbna da u Chairman ka Committee u C.I Issac.
Nalor kane, ka Committee ka la tyrwa ruh ban wanrah noh ïa ka Indian Knowledge System (IKS) ha ki curriculum jong baroh ki sobjek.
Kane ka rai jong ka NCERT Committee ka la mih ruh hapdeng ka jingïatai kaba dang jur halor ka jingthmu pynkylla kyrteng ïa ka Ri India sha ka Ri Bharat.
Kane kala mih haba sdang jong une u snem hadien ba ka Sorkar Pdeng ka la phah ïa ka G20 Dinner Invitation (jingbam ja) jong ka President ka Ri Droupadi Murmu ha ka kyrteng kum ka “President of Bharat” ha ka jaka jong ka “President of India”.
Ka Riti Synshar ka Ri, kala pyndonkam lang ia ka kyrteng ‘India’ bad ‘Bharat’ ha ki jingthoh jong ka.
Ka Article 1 ka ong “India, kata Bharat, kin dei ka union of States”. Kane ka article jong ka riti synshar ka Ri ka dei ka jingthoh kaba kongsan bha namar ka pruid dak ïa kaei kaba jer kyrteng ïa ka Ri.
ïa ka draft jong ka Article 1 la pdiang ha ka 18 tarik Nailur, 1949, kaba la wanrah da u Chairman ka Drafting Committee Dr Ambedkar
