Nongpoh, Lber 14: Kum shi bynta ban rakhe ïaka World Water Day ka tnad PHE ryngkat ka jingïatreilang bad ka ophis u District Sports Officer, Ri-Bhoi District kan sa pynlong da ka jingïakop mareh thong kaba 5 km haka 21 tarik Lber 2023.
Ïa katei ka jingïakop mareh yn sdang naduh ka por 6 baje mynstep ban sdang naduh Indoor Stadium Saiden bad pynkut pat ha Indoor Stadium Nongpoh, bala phiah ïaki Junior (hapoh 16 snem) bad Senior (16 snem shaneng), bad kin don ruh ki khusnam pisa bala pynkhreh ha kaba ki nongjop ki ioh ban khur 5 hajar ïa kiba wan haka kyrdan ba nyngkong, 3 hajar haka kyrdan ba ar bad 2 hajar haka kyrdan ba 3 bad kin don ruh 5 tylli ki consolation prize kiba T.1000/-
Na ka liang la khot la wer ïaki paidbah kiba kwah ban ïashim bynta ba kin leit ban pynrung kyrteng ïalade ha ophis u Superintending Engineer ka tnad PHE Nongpoh shuwa ka 20 tarik haka por long trei.
