Shillong, Nailar 31: Ka NEIGRIHMS ka la pynlong ïa ka jingai jinghikai kaba shisngi kumno ban ïada ïa ka jingim, kaba la wan ban ïa shim bynta da ki doktor, ki Nurse bad kiba trei ha ki kor ki bor kiba hapoh Hospital kiba dei ïa ka jaka shim bad buh snam.
Ïa kane ka jinghikai kaba shisngi la pynlong da ka Meghalaya AIDS Control Society ryngkat bad ka Meghalaya State Blood Transfusion Council bad ka jingïatreilang bad ka “Departments of Transfusion Medicine and Blood Centre and Anaesthesiology” jong ka NEIGRIHMS.
Ïa kane ka jingai jinghikai la plie da u Dr. C Daniala Medical Superintendent, NEIGRIHMS bad Dr. A. Kharjana, Joint Director (Research), DHS, Meghalaya.
Shuh shuh ïa ka jingai jinghikai la ai da u Dr. Priyanka Dev, Associate Professor bad Dr. Neha Rawat, Assistant Professor na ka department of Anaesthesiology bad Critical Care bad Dr LutikaNepram, Chief Medical Officer na ka Department of Transfusion Medicine bad Blood Centre, NEIGRIHMS.
