Da 3 – 1 kol jop ka Rising SS ïa ka Jakrem Govt. LPS : Chief Minister’s MBL Under-12 Years FT 2023

Mawkyrwat, Jymmang 14, 2023: Ka Rising Secondary School, Sohkhyllam ka la pynliem noh pyrshah ïa ka Jakrem Government Lower Primary School da 3 – 1 kol ha ka lympung ïalehkai jong ka Chief Minister’s Mawkyrwat Block Level Under-12 Years Football Tournament 2023 ba la pynïaid da ka ophis jong u District Sports Officer, South West Khasi Hills District hapoh madan Saitsnad, Mawlangwir, South West Khasi Hills District.
Shuh shuh ka Mawbidong Presbyterian Upper Primary School ka la jop noh da 5 – 1 kol pyrshah ïa ka Upper Mawbidong Lower Primary School, Ka Turshaphrang United Football Club da 7 – 0 pyrshah ïa ka Mawkyrwat-Photjaud Grass Root Centre, Ka Rangthong CC&SA pat ka shah rem noh ha ka Modern Football Team da 2 – 0 kol. Nangta, ka Phlorosy Dew Secondary School ka la jop da 3 – 0 kol ïa ka Krimwelson Memorial Secondary School, ka Pyndenkenshliah Lower & Upper Primary ka la jop noh da 8 – 0 kol ïa ka Mawthong Grass Root Centre. Katba ka SC Phlangkynshi Sepngi ka la jop da 10 – 0 kol ïa ka Christian Principle Academy Secondary School, ka Kuchaphrang Football Club pat ka la jop da 2 – 1 kol ïa ka Mawkyrwat Presbyterian Secondary School. Ha ka jingïalehkai jong ki khynnah kynthei pat, ka Nonglang Sports Club ka la shah rem noh da 4 – 2 kol ha ka Rising Secondary School ha ka Tie Breaker.