Mawkyrwat, ‘Nailar 14: Ka Seng Samla Hima Langrin (SSHL) ka pynpaw da ka jingsngewkhia kaba khraw halor ka jingpynslem jong ka ka District Council ïa ka jingdawa jong ki khun ki hajar ka hima langrin, kum ban shu pynkynmaw ka Seng Samla hadien ba ka lap ïa ka jingduh bor ka jingshah phiah ar bynta ki bor synshar hapoh ka hima langrin da ka mynsiem jong ka jingsngewkhia ka lah mih shakhmat ban pynshai ïa ki paidbah halor kane ka jingshahktah lyngba ki public rally ba la pynlong ha ki ar tylli ki jaka ha ka 16 bad 17 tarik u Jylliew, 2023.
Katkum ka kyrwoh na ka Seng Samla Hima Langrin (SSHL) la ong ba hadien kane ïa ka resolution ba mih na kane ka rally lah phah ha ka KHADC ban ujor pyrshah ïa ka jingdkhoh hapoh ka hima bad kumjuh ïa jingïalam bakla u syiem ïa ka dorbar hima bad ïa ki khun hajar ka hima, bad kane ka jingujor ka lah ïaid mynta lah jan sha ki 3 bnai pynban ka district council lyngba u EM In-charge, u bah P.N. Syiem um pat ai kano kano ka rai namar kata na ka liang jong ka Seng Samla Hima Langrin ka rai ba khatduh ka long kin ap bad burom tang mynta ka taiew ba ka council kan ai noh ïa ka rai ban pyntikna ïa ka jingshngaiñ ki khun ki hajar hapoh ka hima.
