Shillong, Nailur, 06: Ka Shillong Municipal Board (SMB) kan lah ban hap siew ïa ka bailutksan halor ka jingjaboh ka sawdong sawkun kaba long T. 0.82 klur na ka daw ka jingbym treikam ka incinerator jong ka common bio-medical waste treatment and disposal facilities (CMBWTF)
“Ka jingbym treikam ka incinerator jong ka CMBWTF Shillong ka la khring ïa ka jingpynjari da ka bailutksan halor ka sawdong sawkun kaba long T. 0.82 klur halor ka Shillong Municipal Board da ka CPCB.” Ka Comptroller and Auditor General of India (CAG) ka la ong ha ka audit report kaba ïadei bad ka solid waste management ha ki thaiï sor ka Meghalaya na ka bynta kaba kut jong ka 31 tarik u Lber, 2022.
Ha ka audit, la ïohi ba ka CPCB ka la pynlong ïa ka jingjurip ia ka CBMWTDF kaba ha Marten, Shillong ha ka 4 tarik u Nohprah, 2018 bad la lap ïa kine ki jingshem ba kane ka unit kam shym don ka bor kaba dei hapoh ka BMW Rules, 2016, ka jaka ban sumar bad kaba khlem da ai da ka BMW, ka incinerator la lap ba kam shym la treikam naduh u Nailar 2018 bad ka BMW la thang beit bad la theh bad kam don kano kano ka jingsumar ne ki tiar kum ka autoclave/shredder ba la pynïoh halor kane ka jingbret ïa kiba saw, kiba blue bad ki kyrdan ki jaboh ba lieh bad kiwei.
Ka jingbym ïaid lang jong ka SMB ha kaba ïadei bad ka Bio Medical Waste Rules 2016, ka CPCB ka la shaiñ kuna T. 8.60 lak kum ka environmental compensation na ka bynta ka por jong ka 4 tarik u Nohprah, 2018 ha ka 27 tarik u Rymphang, 2019.
Ka la hukum shuh shuh ba ka pisa T. 10,000 shi sngi ka environmental compensation naduh ka 28 tarik u Rymphang, 2019 bad ka dei ban ïaid katkum ki kyndon jong ka BMW Rules ha kaba ka SMB ka dei ban siew SMB.
Ïa ka CBMWTDF Shillong la pyntreikam ha u Lber 2021 katba ka CBMWTDF ha Tura kam pat treikam haduh ka tarik ba la leh ïa ka audit (Nailur 2022).
“Namar kata ka jingbym bud ïa ka BMW Rules, 2016 SMB kan lah ban hap siew sha ka CPCB ka pisa kumba T. 87.70 lak kum ka environmental compensation,” ka la ong.
La ïathuh ba ka CBMWTDF ba thymmai la pyntreikam ha Marten naduh u Lber 2021.
