Bym ïoh kam sorkar ne kompani da ka jaka shangkai pynngad sdang u Samla haka shnong khappud Assam

Nongpoh, K’Lyngkot 15: Ka long ka khubor kaba ai mynsiem ïa kiba bun ki khun samla ha kum kane ka juk kyrduh kam kyrduh jam ba bun ki ju khmih lynti tang ki kam sorkar, hynrei uwei u samla naka shnong Pynker C ha Ri-Bhoi District ka shnong kaba don ha khappud ka Meghalaya bad Assam u la long ka nuksa ban ai mynsiem ïa kiba bun ki khun samla wat hapdeng ka jingkynduh mawsiang haka jingim haka liang ka iohkam iohjam hynrei um shym la kynran dien ban ïeng pat hala ki jong ki kjat ban kyrshan ïaka ïing ka sem da kaba seng kam lade ban shna da ka jaka shangkai pynngad.
Utei u samla u dei u Kolshi Kathar u ba la sdang ïa kawei ka jaka shangkai pyngngad kaba u la ai kyrteng da ka Mribu Jungle Camp ban long kum ka jaka shong jahthaid bad pynpyngad kaba ki paidbah ki lah ban leit shangkai bad pynjah thaid ïalade harud kawei ka pung kaba la don ruh ryngkat ki jaka sah (Tent House).
Ïa katei ka jaka shangkai pyngngad la plie paidbah mynta ka sngi da u Fr. Kmenlang Nongrum Parish Priest Byrnihat Parish u ba la shim ruh ka bynta ban kyrkhu kyrdoh ïa katei ka jaka ryngkat ki jingduwai ba u Blei un dang kyrkhu ïa utei u samla bad ïa katei ka jaka haka jingdonlang ki kmie ki kpa bad ki riew rangbah jong ka shnong.
Haba kren ha katei ka sngi ka jingplie ïa katei ka jaka shangkai pyngngad u Samla Kolshi Kathar u la ong ba ka daw bala pynlong ïa u ban sdang ïa katei ka kam ka dei hadien shibun ki jingeh ba u mad haka jingim bad ka jingkyrduh kam kyrduh jam namar lyngba katei ka jaka shangkai pyngngad u lah pat ban thaw bad ai kam ïa kiwei ki khun samla ha katei ka shnong.
“Nga la thep shibun ki kam sorkar, ki kam haki kompani hynrei ngam shym la ioh bad kane kala pynlong ïanga ban phai khmat sha kane ka kam namar ka don ka jaka kaba la ai sngewbha da I mei bad I pa, hynrei nga iohi ba katei ka jaka long kaba biang eh ban pynkylla dur ïaka sha ka jaka kaba ki paidbah ki lah ban leitkai bad shongkai pyngngad bad pynjahthaid ïalade, kumta nga la pyrshang ban wad lad ban shim d U la ong ruh ba ïa katei ka jaka u la ai kyrteng da ka Mribu Jungle Camp ka dei namar ba katei ka khlaw kaba don ha katei ka jaka la tip kyrteng kum ka Mribu haki por ba mynshuwa naka jingdon jong uwei u dieng ba ki shait khot da kata ka kyrteng bad kum ka jingpynneh pynsah ïa katei ka kyrteng kaba dei ruh ka kyrteng kaba rim jong katei ka shnong u la pynim ïaka da katei ka kyrteng ïa katei ka jaka bad naka liang jong u, u la khot bad wer ïaki paidbah ba kin wan ban jngoh ïa katei ka jaka.