Jowai, Rymphang 22: Hadien bala dep pynbna ïa ka result MDC sha ka ïing Dorbar Thawaiñ ka Jaiñtia Hills Autonomous District Council (JHADC), kaba la long mynta ka sngi 24 tarik u Rymphang, 2025 la ïohi ïa kiba bun ki dur khmat thymmai kiba la jop ïa kane ka Election khamtam kiba dei na ka seng VPP.
Haba phai sha ka jingjop jong kine ki kyrtong MDC sha ka JHADC naka National People Party (NPP) ki don 13 ngut, na ka Voice of the People Party (VPP) ki don 8 ngut, na ka Indian National Congress ki don 3 ngut, na ka United Democratic Party (UDP) ki don 2 ngut bad ar ngut ki kurtong shimet (IND) shi seat.
Lada kheiñ ïa ka jingbun ki briew (MDC) ka National People Party (NPP) ka lah ban thaw sorkar hapoh ka Jaiñtia Hills Autonomous District Council (JHADC) ha kane ka samoi ryngkat ka jingïatreilang ki katto katne ngut ki MDC na ka UDP kumba long hapoh ka sorkar jylla (MLA).
Haba phai sha ka jingïakhun kaba itynnad bha ka long haka 8-Moodop Umladang kiba la ïakhun tang para marwei ha kaba u Sitting MDC uba dei ruh u CEM ka JHADC u ma Thombor Shiwat ula jop tang 102 vote ïa u kyrtong ka VPP u Chanbor Rymbai, ka jingïakhun hapdeng kine ki kyrtong kala long kaba ïakhaid bha.
Ki MDC kiba la bteng biang ïa ka jingjop ha kane ka Election MDC mynta u snem ki kynthup ïa ma Thombor Shiwat (NPP), ma Jesse Suiam (NPP), ma Aiborlang Shadap (NPP), Het Pohthmi (NPP) bad u ma Awhai Andrew Shullai (VPP), ma Lasky Rymbai (UDP), u Krison Langstang (NPP), u Sankey Shangpung (NPP) bad ka kong Voilet Lyngdoh. .
Katba kiwei de ki kiba la jop teng kum ki MDC ki kynthup ïa u ma Madonbai Rymbai (INC), ma Moonlight Pariat, ma Hambertus Nongtdu (VPP) kiba ju long teng kum ki CEM, ma Pheiñshwa Nangleiñ (NPP) bad ma Bisonroy Iano (NPP).
