Shillong Nailur, 03: Da kumba 11.14% ka Compound Annual Growth Rate (CAGR) naduh u snem 2019-20 haduh u snem 2023-24, ka Sorkar Meghalaya ka la buh ïa ka thong ban kyntiew ïa ka ïoh ka kot sha ka $10-billion haduh u snem 2027-28, ong u Commissioner & Secretary in-charge Finance Dr. Vijay Kumar D ha ka sngi Baar.
ïa kane u la pynpaw ha kaba ïadei bad ka kaiphod u Comptroller Auditor General of India (CAGI) kaba la phoh sniew bad angnud da ka Meghalaya ban kynjoh ïa ka $10 billion Economy.
Ka kaiphod u CAG ka la ong ba ka GSDP ha Meghalaya ka la kiew ha u snem 2021-22 bad ha u 2022-23 ka la don shadien ïa ka National GDP Growth Rate kaba long 18.36 % bad 16.06% baroh lang. Ka jingkiew ha ka Fiscal Deficit na ka 5.71% ha u snem 2021-22 sha ka 6.55% ha u snem 2022-23 kaba dei ruh halor ka thong jong ka 4% kaba hap hapoh ka Meghalaya Budget Management & Responsibility (Amendment) Act 2022. Ka Debt-GSDP Ratio ka long hapoh ka thong kaba 43.19% ha u snem 2022-23, kaba khlem kynjoh ïa ka Meghalaya FRBM Act kaba la buh ban poi sha ka 28%.
U Dr Kumar u la ong ba ka India Accounting System (IAS) ka dei kaba kyllaiñ bad ki don ki jingïakhun namar ka jing pynbeit kaba manla ka por ïa ka jingkheiñ jingdiah da ka Sorkar Pdeng bad ka rukom ba la shim ïa ka jngkheiñ ka long ha ki Fiscal Parameter bapher bapher.
U la ong ba ka tnat Pla Tyngka ka Sorkar Jylla kan sa pynshai ha kaba ïadei bad ka jingshisha ïa ka Fiscal Parameter.
Halor ka GSDP, u Commissioner & Secretary u la ong ba ka kaphod u CAG halor ka GSDP ka ladep ban pynkhreh ha shwa ban pyllait ïa ka Revise GSDP da ka Ministry of Statistics and Programme Implementation (MoSPI) ha u Nailar 2024.
Katkum ka jingong jong u, ka GSDP (AG figures) ka la long 38785 (ha u 2021-22) bad 42697 (ha u snem 2022-23) bad ka GSDP (MoSPI kaba la pynpaw thymmai kaba dei 40222 (ha u snem 2021-22) bad 46551 (ha u snem 2022-23).
Da kaba pynpaw ba ka Meghalaya GSDP Growth ka long hapoh ka jingpeit kaba kongsan da kaba pynbha thymmai ïa ka jingkheiñ jong ka MoSPI, u Dr. Kumar u la ong ba jingkheiñ jong ka MoSPI kaba thymmai, halor ka jingkiew ïa ka ïoh ka kot jong ka jylla ka pyni ba ka la long kumba 17.4% CAGR (compound annual growth rate) na ka Financial Year u snem 2020-21 sha ka Financial Year u snem 2022-23.
Haba ïadei bad ka Special Capital Assistance, u Commissioner & Secretary u la ong hadien ka jinglynshop ka khlam COVID ka Sorkar Pdeng ka la pyllait ïa ka ‘Special Capital Assistance sha ki jylla na ka bynta ka Capital Investment’ (SASCI/CAPEX) na ka bynta ruh ka jingpynlut ïa ki project, kaba long ka jingbym shim ïa ka sut haduh 50 snem bad ka ram sha ki jylla.
“Halor kane ka jingpyllait jong ka Sorkar Pdeng ka la kiew na ka T. 200 klur ha u snem 2020-21, T. 281 klur ha u snem 2021-22 sha ka T. 1,049 klur ha u snem 2022-23 bad T. 1,293 klur ha u snem 2023-24. Shuh shuh ha u snem 2024-25 la khmih lynti ba ka jylla kan ïoh T. 2,085 klur. Naba kane ka ram ka la lait na ka sut kaba haduh 50 snem ka la long palat ban ïa ka Grant sha ki jylla, wat haba la buh ïa ki jingkheiñ katkum ki snem jong ka jylla da AG bad ka sorkar pdeng GOI,” u la ong.
Kumba ka long ha ka Fiscal Deficit (FD), u Dr. Kumar u la ong ba ka Fiscal Deficit ka pyni ïa ka jingbun ka jingpynlut halor ki jingïoh. Ka Sorkar Pdeng ka la peitbha halor ka kyrdan jong ki jylla kaba lah ban kamai. U pud ban shim kaba la ai lad ruh na ka bynta u snem 2022-23 ka long 4% jong ka GSDP.
U la kdew ruh ba ka Fiscal Deficit (FD) kum ka % jong ka GSDP da ka AG ka long 6.14 ( ha u snem 2018-19) bad 6.55 (ha u snem 2022-23) FD hadien ba la pynbeit ha kaba nyngkong (Revised GSDP da MoSPI) ka long 6.30 (ha u snem 2018-19) bad 6.01 ( ha u snem 2022-23) FD hadien ba la pynbeit ha kaba arsien (Revised GSDP bad kaba kynthup ïa ka CAPEX) kaba long 6.30 (ha u snem 2018-19) bad 3.75 ( ha u snem 2022-23).
“Namar kata ka Fiscal Deficit na ka bynta ka jylla Meghalaya hadien ba la pynbeit ïa baroh arsien ka long 3.75% ha u snem 2022-23 kaba dei ruh hapoh u pud ba la buh da ka Sorkar Pdeng,” u la bynrap.
U Commissioner & Secretary u la ong ba ka Sorkar Meghalaya ka shim kylliang barabor hapoh u pud ba la buh da ka sorkar pdeng.
“Ka ram ka dei ka pisa ki paidbah ban kyntiew ïa ki kam pynroi ba la pyndonkam da baroh ki ri ban pynlut ïa ki jingpyntreikam ïa ki project. Ka por ban shim kylliang da ki jylla ka rai hi da ka sorkar pdeng bad ka jylla ka shim kylliang kaba long hapoh u pud u sam ba ka buh da ka oskr pdeng. ïa kine ki jingshim kylliang la pyndonkam bha ban pynlut ïa ki kam jingtei kiba heh bad kiba kongsan,” u la ong.
“Ka jingpynlut ka pisa na ka bynta ka jylla Meghalaya ka lah jan long arshah na ka T1,903 klur ha u snem 2018-19 sha ka T.3,362 klur ha u snem 2022-23. Kane ka pyni ba ïa ka ram la pyndonkam bha bad dei ban peit ba ka long kum ka jingpynlut na ka bynta ka lawei jong ka Meghalaya ym kum ka jingïakhun ne ka jingkit kaba khia,” ong u Dr Kumar.
U la ong ba ka Outstanding Debt (OD) katkum ka % jong ka GSDP katkum ka AG ka long 32.22 ( ha u snem 2018-19) bad 43.19 ( ha u snem 2022-23). Ka OD ka dei hadien ba la pynbeit ha ka sien kaba nyngkong (Revised GSDP da ka MoSPI) kaba long 33.02 (ha u snem 2018-19) bad 39.62 ( ha u snem 2022-23). Ka OD kaba la pynbeit ha ka sien kaba ar (Revised GSDP bad ka bym shym la kynthup ïa ka CAPEX) ka la long 33.02 (ha u snem 2018-19) bad 36.33 ( ha u snem 2022-23).
