Shillong, K’Lyngkot 07 : U Bah P.T Sawkmie, MLA barim u ong ba ka ishu Railway ne Lynti Rel hapoh Meghalaya la donkam ban buh shwa hapoh duli Godrej namar ba ka sorkar India ruh ka dang buh ïa ka ishu Inner Line Permit (ILP) shapoh kyndong.
“Ka sorkar India ka la shimkhia haduh katta katta ïa ka Lynti Rel hapoh ka jylla, manla ka por ka ai pressure ne pynbor ïa ka sorkar Meghalaya ban ailad ban sdang noh ïa ka kam,” ong u bah Sawkmie
U la bynrap, “Hynrei ka sorkar India wat hapdeng ka Resolution ba la pass da ka Meghalaya Assembly da ki 60 ngut ki MLA, kam burom, kumjuh ka jingdawa ki sengbhalang kaba dawa ba donkam ban ai noh ïa ka ILP ïa ka jylla jong ngi.”
U la pynpaw ruh ba ki MP ki ban mihkhmat na ka Shillong seat ha kane ka kynti kaba mynta, ki dei ban rah ïa ka khubor, ba kat bym pat pyntreikam ïa ka ILP, ka lynti rel ruh kan nym treikam.
Ka jingbym don ki aiñ kiba khlaiñ ban tehlakam ïa ka jingwan ki briew na shabar ka long ka jing ma ïa ka jaidbynriew rit paid jong ngi, pynkut u bah Sawkmie.
