Shillong, Nohprah, 15: Ki kali kit skum kiba ïaid na shilynter jong ka surok Mawtawar-Mawsiatkhnam ki la buh jingma na ka jingkit palat pud.
Ki paidbah kiba pynsngew ïa kane ka jingsngewkhia lyngba ki lad pathar khubor ha ka sngi u Blei ki la ong, nalor ka jingkit palat pud jong ki kali kit skum ki da rat ruh ïa ki sainar elektrik ha ki bynta jong ka shnong bad kane ka la pynlong ïa ki nongshong shnong ban sheptieng ïoh jia sa ka jingpluh ding.
Da ka jingdon jong kine ki trok kit skum ki bym suidñiew ïa ka khuid ka suba, ka la pynlong ïa ki surok bad ki shnong bapher bapher ban satah da ki skum kba wat hadien ba ladep ban pynkhuid shnong.
Ki paidbah nongshong shnong ki la kyrpad ïa ki bor synshar jong ka East Khasi Hils District kiba dei khmih kyrpang na ka bynta ka jingshngaiñ ha ka leit ka wan ban pynshitom ïa ki kali kiba kit palat pud bad ban bthah ruh ïa ki nongñiah kali ban da tap da ka plastik tarpaulin na jrong bad na krung jong ka kali khang ban ym buh jingma ïa kiba ïaid ba ïeng.
