Bthah tohkit biang ka HC ïa u District Judge halor ka jingkynnoh siew tam ïa ka bai jaka ha Umroi

Shillong, Lber 31: Ka ïing Bishar High Court jongka jylla kala bthah ïa u District Judge Ri-Bhoi district ban pynlong biang ïa ka jingtohkit halor ka jingkynnoh ba ka la don ka jingsiew tam ïa ka bailutksan sha kito ki trai kiba duh noh ïa ki jaka na ka bynta ban pynheh ï aka Kad Liengsuiñ Umroi.
ïa kane ka jingtohkit biang la leh hadien ba ka ïing kashari ka Meghalaya High Court kala pynmih ïa ka hukum haka 21 tarik Rymphang 2023. Ka ïing bishar ka la phah ïa kane a jngtohkit da kaba pyntreikam ïa ka hukum jongka ïing bishar Supreme Court.
Ka thong jong kane ka jingtohkit da u District Judge Ri-Bhoi district kadei hi ban wad bniah, hato kala don ne em ka jingsiew tam sha ki trai jaka kiba duh noh ïa la ki jaka naka bynta ban pynheh ïa ka Kad Lengsuiñ Umroi.
Ka kaiphod jong District Judge ka la shem ba kam don ka jingsiew tam sha ki trai jaka bad kam don ruh kano kano ka jingpyrshang ban siew tam.
Halor kane kala don ka jingujor da ka PIL da u Steid Dkhar naka bynta ban bishar biang ïa ki kot ki sla (Original Documents) haba ïadei bad ka jingdonkam ban ïoh jaka biang naka bynta ban pynheh ïa ka Kad Lengsuiñ Umroi.
Halor kane ka ïing bishar ka la ailad ruh ban bishar ïa kita ki kot ki sla ha ka por jongka jingtohkit bniah ban lap la ka don ne em kano kano ka jngleh bakla. Halor kane ka ïing bishar ka la bthah ruh ïa u Registrar General jong ka ïing bishar High Court ban ai ïa baroh ki kot ki sla sha i District Judge, Ri Bhoi bad ban buh jingthoh ruh halor ki kot ki sla bad la bthah ruh ba ïa kane dei ban pyndep hapoh kane ka taiew ban wan.