Shillong, Naiwieng 03: Ka Meghalaya High Court ka la bthah ïa ka sorkar jylla ban pynbiang ïa ki kaiphod kiba long haduh mynta ha kaba ïadei bad ki mukotduma kiba dang sahteng pyrshah ïa ki MP bad MLA.
Kane ka hukum ka dei kaba la pynmih da ka bench ba la khlieh da u Justice HS Thangkhiew ha ba shim bishar ïa ka PIL ha ka sngi Nyngkong. Kane ka dei ka hukum jong ka court tarik 2 u bnai Nailar, 2025, kaba pynpaw ha ki 3 tylli ki jingjia ha East Khasi Hills, ha kawei la pynkutnoh bad 2 tylli pat ki dei kiba dang sahteng.
Ka jingdon jong ki case ba dang sahteng kiba khlem kylla ki dei ha West Garo Hills bad West Jaiñtia Hills.
Ha kawei pat ka liang ka ïingbishar ka la pyntip ba ha kaba ïadei bad ka jingjia ha North Garo Hills, kaba kynthup ïa u MLA barim ka dangsah.
Ka court ka bthah ba dei ban aiti ïa kane ka kaiphod ha ka 13 tarik u Nohprah, 2025.
