Nongstoiñ, Naitung 30: Ka Khasi Students Union KSU Mawshynrut Circle hapoh ka jingïalam jong u samla Ulysis Ryntong General Secretary, ryngkat ka jingsynran lang ki dkhot ka la leit ban bteng ban khynra biang ïa ki bar jylla ba wan trei beaiñ hapoh ka thaiñ khlem ki kot ki sla ba biang.
Ha ka jingleit khynra ka seng ka la lap ba kiba wan trei hapoh ka thaiñ, kim shym la biang ïa ki labour licence, work permit, police verification bad wat ïa ki EPIC bad Addhar ban pynshisha ba ki dei kita ki nong India.
Kumta na ka liang ki nongïalam ka seng ki la phah leit phai mardor bad ka la maham tyngeh ruh ïa ki contractor ha ryngkat ki riew shimet, ba lada ka seng kan ïai lap kam banse ban hap shim noh da ki sien jam ba kham tyngeh.
Shuh shuh ha katei ka jingkhynra, ka seng ka la ïoh bat ruh ïa ki bar jylla ba die ïa ki phone thok ha ïew Riangdo. Marsien ïoh jingtip ka seng ka la bat bad aiti noh ha ki pulit ban pyndep ïa ka kamram ba sah. Ka seng ka kren shai ba kan nym shong kli kti hynrei kan ïai peitngor ïa ka jingwan rung beaiñ ki bar jylla bad lada ka lap kan beh naphang.
