Nongpoh, Naitung 30: Na ka daw ka jingkylla khongpong kawei ka Sumo Tourist ha Umlyngkdait Nongpoh mynta ka janmiet, la mih ka jingïahuri hura hapdeng u dribar trok bad ki paidbah bad donbok ruh ba la wan poi noh ki Pulit ban tem ïa katei ka jingjia.
Kane ka jingjia ka la jia mynta ka janmiet haka por 3 baje ei ei, ha kaba kawei ka Sumo Tourist AS 03 BC 6621 ka la pyrshang ban knieh ïaid shakhmat ïa kawei ka trok kaba don ïa u number ML 05 Z 6783 bad sniewbok noh katei ka Sumo Tourist ka la shah rad ha ka trok haduh ba ka la kylla khongpong ha surokbah.
Kumba la ioh lum jingtip, ha kane ka sumo ki don 9 ngut ki nongshong ba wan na Shillong ban hiar sha Guwhati bad katei ka jingkylla ka Sumo ka dei tang na ka daw ka jingïaknieh ban ïaid shakhmat bad donbok ruh ruh ym shym la don ba mynsaw, ha kaba tang u dribar trok uba la mynsaw malu mala ha ka jingïarah kti bad u dribar katei ka Sumo Tourist bad ki paidbah. Ïa kane ka jingjia kaba la poi sha ka jingïarah kti hadpeng u dribar trok bad ki paidbah la pynjai jai noh da ki Pulit ka Nongpoh kiba la wan ban tohkit halor kane.
