BJP Dang kiew spah ki politishian dang hiar ka kamai u paidbah sha trai duh ha ka ri: BJP

0

Shillong, Rymphang 19 : U National General Secretary ka BJP Rituraj Sinha ha ka sngi U Blei, u la buh jingkylli halor ka jingkiew spah ki riew saiñ pyrthei ka jylla wat la ka jylla ka dei kaba ha trai duh na ka jingïoh kamai uwei uwei u nonsghong shnong ka jylla (per capita income) ha ka ri baroh kawei.
Kane ka jingkkren u Sinha ka long halor ka affidavit jong u President ka UDP uba long ruh u Lamphang ka Iingdorbar Thaw aiñ ka Jylla u Bah Metbah Lyngdoh, u nongïalam ka NPP bad Myntri ka Koit ka Khiah u James K Sangma, u Nongïalam ka Liang Pyrshah u Dr Mukul Sangma bad kiwei kiwei.
“Ka dei ka kam ba sngewkhia jur ïa ki paidbah ka Jylla Meghalaya. Ka State Gross Domestic Product (SGDP) jong ka Meghalaya ka dei kaba suki bha hapdeng ka Thaiñ Shatei Lam Mihngi. Ha ka Jylla kaba ha trai duh ha ka per capita hapoh ka Ri, ka jylla kans don hapdeng ka jingduna ka mang tyngka ba kot 2000 klur, hynrei kumno ki riew saiñ pyrthei ki la nang riewspah bad ki nang heh kamai. Kumno ki nang kiew spah man la ki elekshon,” u la ong.
“Nga kwah ruh ban kylli na kine ki riew saiñ pyrthei ba nangno ki ïoh lum ban kynton ïa kat kane ka spah” u la bynrap.
U la ong ba ka jingbamsap jong baroh ki riew saiñ pyrthei kin sa shah kyndang lut palaiñ lada ka sorkar u Modi ka shah jied ban wan ha ka bor ha Meghalaya.

Leave A Reply

Your email address will not be published.