Nongstoiñ, Lber, 23: Ka KSU Nongstoiñ Circle ha ka 22 tarik Lber 2023 hapoh ka jingïalam jong u Samla Pynkhraw L.Mawnai Envi-ronment Secretary Nong-stoiñ Circle, ka la leit ban beh krad ïa ki nongtrei bar jylla kiba trei ha kawei ka madan Nongpathar kaba hap ha ka shnong Pyn-dengrei. Ha jingjurip jong ka seng, ka lap ba ki don ki nongtrei bar jylla kiba wan na ka jylla Bihar bad ki bym biang ki kot sla (work permit bad labour licence), ha kaba na ka liang jong ka seng ka la pynphai noh ïa kine ki nongtrei sha ka jylla ba ki wan.
Ka seng ka pynrem jur ïa u contractor ba dei peit ïa kane ka jingtrei ha kaba u la pynkheiñ katkum ka ‘Interstate Migrant Work-men Act’. Kumta na ka liang jong ka seng ka phah ka kyrwoh kaba shai sha kino kino ki contractor kiba thmu ban wanrah ïa nongtrei bar jylla, ba ki dei ban pynbiang shuwa ïa ki kot ki sla kiba donkam.
