Shillong, Nailur 10: Ka ophis Superintendent of Police-cum-Foreigners Registration Officer, East Khasi Hills District u la bthah ïa baroh ki manager/proprietor jong ki hotel/Guest House/lodge/rent house/Inn bad kiwei ha East Khasi Hills District kiba khlem pat ai kyrteng ne register ïa ki nongwan sah nabar ri ne ki user ID na ka bynta ban aiti ïa ki kyrteng ki hotel/Guest House/lodge/rent house/Inn bad kiwei ba kin jubab online ‘C’ Form (C-FRO) ban jubab sha ka office jong Superintendent of Police-cum-Foreigners Registration Officer, East Khasi Hills District, Shillong. Kito kiba la dep ban register ïa ki user ID ki dei ban phah ïa ki kaiphod manla ka por hapoh ki 24 kynta ïa ka jingwan ki briew kiba nabar ne bar ri ban sah ha ki hotel/Guest House/lodge/rent house/Inn bad kiwei.
Shuh shuh kitei ki bor ki dei ban pyntip sha ka ophis Superintendent of Police-cum-Foreigners Registration Officer, East Khasi Hills District, mardor halor ka jingwan jngoh ne wansah kiba nabar ri. Baroh ki bor pynïaid kidei ban bud ïa katei ka hukum kaba la kdew haneng bad kano kano ka jingpynkheiñ yn pynshitom lyngba ka aiñ pyrshah ïa kito ki bor bad kumjuh ruh ïa kiba wan nabar ri kiba long katkum ki kyndon hapoh ka Foreigners Act, 1946.
