Banjur u Dr Ashish ban pynkhlaiñ ïa ki rukom treikam ki Cooperative ha kylleng ka ri

Shillong, Ïaïong 12: U Secretary ka tnad treilang u Dr. Ashish Kumar Bhutani, u la ai jingkren ha ka National Level Review Meeting, kaba ar sngi ha nongbah Shillong, Meghalaya.
Ha kane ka jingïalang peit bniah kaba la sdang ha ka 10-11 tarik Ïaïong 2025, la ïakren ïa ki sienjam bad ka jingthaw ïa ki buit treikam ban pynkhlaiñ shuh shuh bad pynthymmai ïa ka kam Cooperative ha kylleng ka ri.
Haba ai jingkren ha ka jingïalang plie paidbah, u Dr. Ashish Kumar Bhutani u la ong ba hapoh ka jingïalam jong u Myntri Rangbah duh Narendra Modi bad ka jingpynïaid jong u Myntri Kam Pohïing jong ka sorkar pdeng uba dei ruh u Myntri ka tnad ïatreilang, u Amit Shah.
Ka Tnad ka thmu ban kyntiew ïa ka ïoh ka kot kaba ïalam da ka kam cooperative lyngba ka jingpynkhlaiñ ïa ka jingïatreilang hapdeng ki jylla ban pynurlong ïa ka jingthmu “Sahakar Se Samriddhi.” U la ban jur ban lum ïa ki PAN nombar jong baroh ki cooperative society jong ka ri khnang ban lah ban pyni kham bha ïa ka kam cooperative ha ka GDP jong ka ri. U Dr. Bhutani u la pynskhem biang ïa ka jingkular jong ka Sorkar ban pynkhlaiñ bad kyntiew ïa ka jinglong ka kam cooperative ha ka ri.
U Secretary ka tnad treilang u la ong ba ka White Revolution 2.0 ka dei kawei na ki sienjam ba kongsan, kaba thmu ban kyntiew ïa ki jaka nongkyndong lyngba ka kam ba ïadei bad ka dud. U la ong ba ka kam ba ïadei bad ka dud ka don ïa ki nuksa ba bha kumno ka lah ban pynkupbor ïa ki kynthei bad kyntiew ïa ka bam ba tei met na ka bynta ki khynnah.
U la ong ba ngi ïatreilang bad ki jaka treikam kum ka Amul bad ka NDDB ban kyrshan ïa ki jylla Assam, Jharkhand, Uttar Pradesh bad kiwei ki jylla ha kaba pynïar ïa ki jingdon jingem ha ka kam ba ïadei bad ka dud. Ka jinglah ban kamai na ka kam ri jingri mynta ka la palat ïa ka rukom rep tynrai.
U Dr. Ashish Kumar Bhutani u la ong ba ka jingmynjur ïa ka bill ban seng ïa ka skulbah Tribhuvan Sahkari ba nyngkong eh ha India ka dei ka sienjam kaba kongsan. Kane ka skulbah kan pynbeit ïa ka jingpule ha ka kam cooperative ha kylleng ki jylla bad kan kyntiew palat 250 tylli ki jaka pule cooperative kiba la don lypa.
U Secretary, ka tnad ïatreilang, bad u Chief Secretary, Sorkar Meghalaya, ryngkat bad ki heh ophisar ki la ïashim bynta ha ka jingthung dieng hapoh ka sienjam “Ek Ped Maa Ke Naam” ha ka International Year of Cooperatives.
Ka jingïalang ka la wanrah lang ïa ki nongshim bynta ba kongsan kynthup ïa ki nongmihkhmat na ki Jylla bad ki Union Territory, ki ophisar na ki seng cooperative, ki jaka kiba trei ha ki kam pisa, bad ki nongthaw polisi, kaba la kyntiew ïa ka rynsan ïatreilang na ka bynta ka jingïasam jingtip bad ka jingpynïadei bad ki buit treikam
Ka bynta halor ka Jingbishar bniah ïa ki Jylla ka la pynpaw ïa ka bynta ba kongsan jong ki jaka treikam cooperative ha ka kyrdan jong ka ri kum ka NCEL, NCOL, BBSSL, NCCF, bad ka NAFED ban kyntiew ïa ka jinglong ka kam cooperative bad ban wanrah ïa ka jingsaiñdur thymmai bad jingai bynta lang ïa baroh.
U Director jong ka IRMA, u Anand (Gujarat), u la batai ïa ka jingthmu jong ka Tribhuvan Sahkari University, ki jingthmu ba kongsan, bad ka jingtyrwa ïa ka rukom trei ha ki jaka treikam.
Ka jingïalang ka la pynpaw ïa ka jingangnud jong ka Tnad kaba la slem bha ban wanrah ïa ki kam kiba ïadei bad ka jingai jinghikai ha ki kam cooperative bad ki kam wad bniah katkum ka juk mynta.
Ka workshop kaba kyrpang halor ka International Year of Cooperatives 2025, kaba pynleit jingmut ha ki mat ba kongsan kum ki seng treilang kiba long ki nuksa, ka jingpeit bniah ïa ka jingktah, bad ka jingthaw ïa ka Business Reform Action Plan na ka bynta u snem mang tyngka ban wan.
Ki kynhun na Maharashtra, Gujarat, bad Uttarakhand ki la ïasam ïa ki rukom treikam bad ki jingpynwandur ba bha tam ha ka jingkyntiew ïa ka kam cooperative.
Ki bynta ba la buh jingmut ha kine ki jingïalang ba ar sngi ki long halor ka jingpynïar ïa ka jingshakri ki bank na ka bynta ki cooperative society bad ban pynthikna ïa ka jingshakri ki bank ha ki jingkhang lyngba ki micro-ATM ryngkat bad ka jingai ram khlem jingsiew sut lyngba ki Ru Pay Kisan Credit Card sha ki dkhot jong ki Primary Agriculture Credit Societies (PACS).
Ki Dairy Cooperative Society bad kiwei kiwei ki jaka treikam Cooperative, bad ka jingpynkhlaiñ ïa ka Rural Cooperative Banking. Ka jingpynïar ïa ka jingseng ha ka por ïa ki Multi-Purpose Agriculture Cooperative Societies (MPACS), ki Dairy bad fishery cooperative, Grain Storage Plan, ka jingpynkylla digital ïa ki PACS bad ki Agriculture and Rural Development Bank (ARDB) da ka jingthmu ban kyntiew ïa ka jingshai.
Ka jingtreikam kaba paka, ka jingïoh ïa ki lad jingshakri ki long ki bynta ba la ïamir jingmut ha kane ka jingïalang. La pynlong ruh ïa ka jingïakren kaba bniah halor ka jingktah jong ki skhim jong ka NCDC bad ka jingpynbeit thymmai ïa ka lynti treikam jong ka bad ki jingthmu ba kham ïar jong ka ri kiba ïadei bad ka roi ka par.