Ban pynshai halor jingma u drok da ka ïakob tyrko pynlong ka NPP na bynta ki college

Shillong, Jylliew 29: Da ka thong ban pynshai shuh shuh sha ki paidbah halor ki jingma kiba mih na ka jingkynrei u drok ha ka imlang sahlang, ka Women’s Wing jong ka National People’s Party hynne ka sngi ka la pynlong ïa ka jingïakob ïa tyrko na ka bynta ki College ha State Convention Centre, Shillong kum shi bynta ka jingrakhe ïa ka International Day Against Drug Abuse and Illcit Trafficking.
Ha kane ka jingakob ki nongshim bynta ki wan na kylleng kylleng kynthup naduh ka St. Anthonys College, Umshyrpi College Martin Luther Christian University, Synod College, St Mary’s College bad ka Women’s College Shillong.
Ki nongshim bynta ha katei ka jingiakob ki la pyni ïa la ki nia ki jutang kumno ban pynkhlain shuh shuh ïa ki ain bad ki kyndon ban ïakhun pyrshah ïa ka jingkynrei u drok katba ka liang pyrshah pat ka banjur halor ka jingdonkam ban don ïa ki jaka ai jingsumar ban ïakhun pyrshah ïa u drok.
Ïa ka nam lahduh ha katei ka jingïakob la ïoh da ka Admita Bhattacharjee jong ka St. Mary’s College, Shillong bad khur ïa ka song pisa kaba 10hajar tyngka katba ïa ka kyrdan kaba ar la ïoh da Debargha Sarkar na ka St Anthony’s College bad ka song pisa kaba 7hajar tyngka katba ïa ka kyrdan kaba lai da u Pynskhem L. Mawnai na Umshyrpi College bad ka khusnam ba 5hajar tyngka.
U Myntri ka tnad Pule Puthi ka sorkar jylla u Rakkam A Sangma u la donlang kum u Kongsan katba ka MLA ka Sutnga Kong Santa Mary Shylla kum ka Symbud Kongsan ryngkat ka jingdonlang ki nongïalam ka NPP Womens Wing.
Ka kynhun ki nongbishar pat ki kynthup ïa Dr Pakha Tersia, MD Psychiatry, u Deputy Superintendent of Police Subir Sangma bad Bah David Laitphlang President of Shillong Press Club (SPC).