Shillong, Jymmang18: Hadien ba ki nonghikai SSA hapoh ka shatri ka Meghalaya Sarva Shiksha Abhiyan School Association (MSSASA) ki la leit ban tied jingkhang sha ka Ïing Bishar High Court of Meghalaya na ka liang ka sorkar jylla ha ka sngi Balang ka la pyntip sha HC ba kan sa siew dep noh ïa baroh ki arrear ba 8 bnai kiba dang sahteng kiba ka sorkar ka dei ban siew sha ki nonghikai kaba kot ruh 47 klur.“Ha ka hukum ba ka kashari ka pynmih ha ka sngi Balang ka la pynkut noh ïa ka mokotduma ba ka MSSASA hadien ba ka sorkar ka la pyntip sha ka kashari ba kan sa pynlait ïa kine ki arrer ba dang sahkut phra bnai ïa kaba yn sdang ban siew naduh u bnai Jylliew mynta u snem.““Ngi sngewkmen ban pyntip sha ki para nonghikai ba ka sorkar jylla ka la mynjur ban pynlait noh ïa ka arrer ba dang sah teng la phra bnai kata naduh ka 1 tarik Naitung u snem 2016 haduh ka 28 tarik Rymphang 2017,” ong u President ka MSSASA u Bah Aristotle C Rymbai.“U la ong ruh ba na ka liang u Commissioner & Secretary ba peit ïa ka tnat pule puthi u Dr BDR Tiwari ha ka shithi ba la u la pyntip sha ki nonghikai ba ka tnat ka la pynkhreh ïa ka rukom ne formula na bynta ban pynlait ïa kine ki arrer.““Ïa ka first installment yn siew ha u Jylliew mynta u snem bad ka pisa ba ka sorkar ka dei ban siew kan kot Rs 1191.615 lak, bad ïa ka second installment ha u Nohprah mynta u snem kaba kot Rs 1191.615 lak bad ka third installment ha u Jylliew u snem 2024 pat yn pynlait ïa ka song pisa Rs 1191.615 lak bad ka fourth installment ha u Nohprah 2024 bad ka song pisa kaba kot T.1191.615 lak,” u la ong.
