Ba thut ka liengsuiñ pep noh u Shashi Tharoor ban wan Shillong

Shillong, Risaw 14: U Shashi Tharoor u kyrtong ban ïakhun na bynta ka shuki President jong ka seng Indian National Congress uba thmu ban wan sha nongbah Shillong mynta ka sngi ban wan pan jingkyrshan na ki dkhot ka Congress kiban don bynta ha ka jingthep vote na bynta ban jied President thymmai jong ka All India Congress Committee u la hap pep noh hadien ba ka liengsuiñ jong u ka don jingthut pyntip ka kyrwoh na ka MPCC.
U Shashi u dei na Thiruvananthapuram bad un ïa khun pyrshah ïa u Mallikarjun Kharkhe na ka bynta ka shuki President.
Ha ka jingshisha kane ka jingwan u Tharoor sha Shillong ka long ban ïa kynduh bad ïaphylliew jingmut bad ki dkhot jongka Congress bad u la buh ruh ban ïakren ruh bad ki lad pathai khubor ha Congress Bhavan.