Ba slem ban maramot ïa ka surok na Dam sha Shillong khot hajir ka HNYF ïa u Manager

Shillong, Risaw 29: Ka seng Hynniewtrep National Youth Front (HNYF) mynta ka sngi ka la khot ban ïakynduh ïa u kontrktor bad manager jong ka company ban ïakren halor ka jingslem ban maramot ïa ka surok na Jingkieng Dam haduh ha KHADC.
Ha kane ka jingkhot ïa kren ka HNYF na ka liang ka company ba la dei trai da u Raju Basamasutari la wan ban mih khmat da u bah Brightstarwell Marbaniang u ba dei u Manager.
Ha kane ka jingïakren na ka liang u bah Brightstarwell Marbaniang u la pynpaw ba ka daw baslem ban maramot ïa kane ka surok ka dei na ka daw ka jingpynthud jong ka mariang kumta na kaliang ka kompeni ka la kular ba kan sa pyndep noh kham kloi ïa kane ka jingmaramot.
La ong ruh ba don bun ki daw kiba ym kwah ban iathuh ba sa slem ban sdang ban maramot ïa kane ka surok.U president ka seng HNYF u bah Bless Dkhar u la buh ka jingkyntu ba kane ka Kompeni ka ba la long trai da u Raju Basamasutari ba u dei ban pyndep noh kham kloi ïa kane ka kam.
U la kyrpad ruh ïa ki bor shnong bad kiwei kiwei de ki seng bhalang ba kin ai ka jingïatrei lang ba kan ym don kano kano ka jingpynthud ha ka por ba pyntrei ïa kane ka kam. Ka jingslem ban marmot ïa kane ka surok ka la ktah ïa ki paidbah kiba dei ki nongshnong jong ka Mawlai bad ka la wan rah ruh ïa ka jingdheng kali ka ba jur bha.