Ba pynthut ki bor mariang, rem noh ka Meghalaya ha ka 1st North East Inter State Friendship

0

Shillong, Ïaïong 02 : Ka kynhun ïalehkai kriket jong ka Meghalaya ka la rem noh ha ka lynpung ïalehkai 1st North East Inter State Friendship na ka daw ka jingpynthut jong ki bor ka mariang ha ka jingïakhun semifinal pyrshah ïa ka Nagaland, kaba la pynlong ïa ka Nagland ban ïoh rung sha ka phainal.
Ka Meghalaya ka pyndep ha ka kyrdan ba ar na ka Group A katba ka Nagaland ka bat kyrdan ba nyngkong na ka Group B, bad kan sa ïakhun pyrshah ïa ka Manipur ha ka jingïalehkai phainal kaban long mynta ka sngi Nyngkong.
Ha ka sngi Saitjaiñ, ba la pynïalehkai ïa baroh ki ki jingïakhun semifinal, ka Manipur bad ka Sikkim ki la ïoh ban ïalehkai mar 35 over shilliang, ha kaba ka Manipur ka la jop da saw wicket. Katba ka Nagaland ka ïoh ban tied 20.4 over ha ka jingïalehkai pyrshah ïa ka Meghalaya shuwa ba ka jingïalehkai kan shah pynsangeh noh.
Ka Meghalaya ka ïoh ban tied 38 over bad kamai 168/9. Ka Nagaland, ka ïoh ban tied da 9.1 over shuwa ban hap u slap.

Leave A Reply

Your email address will not be published.