Shillong, KyllaLyngkot 30: U Myntri ka tnat ka koit ka khiah u Bah Wailadmiki Shylla mynta ka sngi u la pynbna ba ka Sorkar Jylla ka la dep siew ïa ka bainong jong ki palat 7000 ngut ki nongtrei ASHA hapoh ka Jylla.
“Ngi la dep siew ïa ka bai nong jong ki kam ba trei tam jongki nongtrei ASHA hapoh ka Jylla” ong u Bah Wailad.
U Bah Wailad u la pyntip ba ki nongtrei ASHA hapoh ka Jylla ki la weng noh ïa ka jingsangeh treikam. “Katkum ka jingtip jong nga, ki nongtrei ASHA ki la weng ïa ka jingïakhih da kaba sangeh treikam” u la ong.
Haba kylli, u Myntri u la ong, “Hynrei ki don katto katne ki kam kiba dang sahteng ym na ka Tnad hynrei na ki. Ki la sngewthuh ïa kane, na kata ka daw ki lah weng noh ïa ka jingïakhih”.
