Shillong, Lber 20 : Ka jingjur palat ka jingthang khlaw ha kylleng ki bynta jong ka distrik tad haduh ba ka poi sha ka jinging lut ki khlaw ki btap, na ka liang ka Deputy Commissioner ka East Khasi Hills, Kong RM Kurbah ha ka sngi Palei ka la pynmih ia ka jingmaham kaba tyngeh katkum ki kyndon jong ka 163 BNSS.
Ha ka jingpynbna, ka DC ka la ong ruh ba katkum ka kyndon 163 BNSS ka la mahamryngeh ïa ka jingthang ne wiang ding ïa ki khlaw ki btap tad haduh ban da poi shaduh u pud ka jingduh ïa ka mariang, ki khlaw ki btab bad ruh ïa ka jingduh ei ki mynsiem briew bad ruh ki jingdon jingem.
La ong ruh ba kino kino kiba pynkhein ïa kane ka kyndon kin ngat ha ka kyndon Section 223 jong ka BNS.
Ka DC ka la ong ruh ba kane ka kyndon kan treikam mardor naduh ka 19tarik Lbeer bad tad haduh ban da pynbna da kumwei pat.
Ka DC ka la banjur ruh halor ka jingdonkam ban pyntikna ïa ka jingïoh jingïada ki paidbah bad ruh ban ïada na ka jingshah pynjulor ka mariang bad khamtam eh ban shah pynjulor ïa ki sawdong sawkun naba kane kan long pat ka jingma bad ka jingshngain bad ka jingim jong ki briew.
