Ar sngi shuwa ka raly Rah Prah ka VPP thnem ka ïew die Prah ha ïewduh

0

Shillong, Rymphang 23: Ar sngi shuwa ba ka jingïaid rah prah ba la khot da ka VPP ha Sohryngkham kaban pynlong ha ka sngi Saitjaiñ na ka liang u nonglum khubor jong u Mawphor u la leit ban ïakren bad katto katne ki nongshong die Prah ha Ïewduh ban ïakren halor ka ïew die prah shuwa kane ka raly ka VPP.
Ha ka jingïakren bad ki nongdie prah ki la ïathuh ba ka ïew die prah prah ha kine ki arsngi ka thnem bha bad kiba bun ruh ki nongwan thied ruh ki dei beit ban leit shim bynta sha katei ka raly.
“Man ka sngi ngi lah ban die ym palat ïa ka san tylli ki prah heh ki prah rit lei ki duna bha kiba wan thied, hynrei mynta ka sngi ym duna shuh ïa ka 150 tylli tang ki prah rit ruh bad ki prah heh ruh ki ïaid hynrei ki kham duna kiba wan thied ban ïa ki prah rit,” ong kawei ka nongdie prah.
“Jin lada dei ka aiom ba ki nongthaiñ prah ki thaiñ kan thnem bha kane ka ïew hynrei namar kam dei ka aiom wat ban pyndap prah rit ruh ym lah shuh,” ka la ong.
Shuh shuh u Bah B Kharbuli uwei na ki nongdie prah ha ïew u la ong, “Na stock ruh ki prah rit ki la luit ploiñ wat ki prah heh lada ka ïew ka thnem kumba ka long mynta bad mynnin ki lah ban lut.”
Haba ïakren bad uwei u rangbah ba la tip kyrteng kum u Bah P Lyngdoh uba na Mawlai Nongkwar uba la wan thied prah, u la ong, “Ki khun ksiew kim ailad shuh te lada ngam wan thied prah, shuwa ban leit skul bad ynda la wai ruh tang ïa uta beit u prah ki khñium ba ngim leit thied prah.”
Shuh shuh u la ong, “Ngam tip balei haduh katne eh nga lyngngoh ba ki khun ksiew jong ngi ki kyndeh mynsiem namar ngi ha ïing ngim dei kiba shongshit elekshon hynrei tip na ki para klas ha skul ne na mano ba lah ban pynktik ïa ki.”
“Ma ngi ruh ngi sngewïahap ban mih sha khmat kum uto Babu Maynborn rta ba biang bha ka jabieng ba proh, um wan mih sha ïing kum kito kiwei ki kyrtong ban wan pan vote hynrei ngi leit sngap ha ka jingïalang jong u ha Nongmensong bad ka saiñ pyrkhat ka VPP ka biang bha bad nga kyntu ïa ki paidbah ba kin sngap ïa ki jingïalap eklshon jong baroh ki kyrtong bad ba pynshong nongrim ïano ban vote, bad ngi wan ruh ban thied prah ban ïoh leit shim bynta sha kato ka jingïaid prah ka VPP bad nga tharai phi la sngewthuh shano ngi noh mon,” ong ka kong Lucy na Nongmensong

Leave A Reply

Your email address will not be published.