Ap ka jingma ba la synjor ki jingkieng ha Mawthungkper bad Mawkaton

Nongstoiñ, Jylliew 05: Ki nongïalam ka HYC Lai Lyngdoh Circle, ha ka sngi 4 tarik ba u Bah Prestone Tynsong Depurty CM ba bat ruh ïa ka tnad PWD u la hiar sha Nongstoiñ, ka la ïoh ban ïakynduh markhmat bad ai jingthoh ruh halor ka jingdonkam ban mang pisa thymmai kyrkieh noh na ka bynta ki ar tylli ki jingkieng ha ka thaiñ.
Kine ki dei ka jingkieng ha ka shnong Mawthungkper bad Mawkaton, ha kaba ka jinglong jingman jong baroh ar tylli ki, ka la buh ïa ki paidbah nongshong shnong ha ka jingma ha ka leit ka wan.
U samla Wandappynkmen Marweiñ president u la ong ba ha ka jingïakynduh, ka seng la ka kyntu ban leh ei ei noh kham kloi da ka kaba mang tyngka thymmai kloi katba lah. Na ka liang ka seng ha kajuh ka janmiet hi ka la ïoh ban ïakynduh ïa u local MLA jong ka Nongstoiñ Constituency Bah Grabiel Wahlang, ban kyrpad na u ban buddien lem halor katei ka kam.
Ha kane ka jingleit ïakynduh, na ka liang ka seng la ïalam da u samla Wandap Marweiñ bad samla Willbirthsoon Kharsyiemlieh General Secretary ryngkat bad ka jingdonlang u samla Lumlang Kharsyiemlieh President HYC West Khasi Hills.
Ka seng ka la pynkynmw ba ha ki snem ba la dep, ka la dep ai jingthoh hapoh ka Office PWD bad ruh ka la ujor hapoh Office Deputy Commissioner halor katei ka kam. La ong shuh shuh ba ka seng ka nym shong kli kti bad kan nang ïai budien halor kane ka bynta