Aiti u bah Teiborlang Pathaw ïa ka surok dewbilat sha ka dong Tariang A, Mawiong

0

Shillong, Nohprah : U Bah Teiborlang Pathaw, MDC ka Mawlai ha ka 28 tarik mynta u bnai u la aiti ïa ka CC Motorable Road ne ka surok dewbilat sha ki nongshong shnong ka dong Tariang A, jong ka shnong Mawiong Umjapung.
Ha kane ka sngi plie la ïa don lang ruh u rangbah shnong bah Herman Dohtdong, ki nongkitkam dong bad kiwei kiwei.Katkum ki nongshong shnong, ki la ïathuh ba da ki bun phew snem ki paidbah ba shong ha kane ka jaka ne dong ki la mad jingeh namar bym don surok bad ka lynti ruh ka long kaba riat bha bad ha ka por slap lei wat ban ïaid ruh tieng ïoh ur ïoh mynsaw.
Da ka mynsiem kaba sngewnguh u Rangbah shnong u la pynpaw ka jingsngewnguh ïa u MDC ba ula pynsuk ïa ka leit ka wan jong ki da kaba pynïoh ïa kane ka surok dewbilat.

Leave A Reply

Your email address will not be published.