Aiti ka MPUF ïa ka ïing ba la dep shna sha kawei ka longïing ba donkam bha ha Kyndong Tuber

Jowai, Nailur 08: Ka Meghalaya People United Front (MPUF), sengkmie, mynta ka sngi 08.09.202, hapoh ka jingïalam u President rangbah jong ka u ma Dapoiwanmi Laloo kala ïoh ban aiti ïa ka ïingsah kaba la shna bad pynlut na dong sha song da ka seng hi ïa kaba la ai sha kawei ka longiing kaba kyrduh bad kaba ïa kynduh jingeh ha ka shnong Kyndong Tuber West Jaiñtia Hills District ka kong Pynsakhiat Dkhar kaba don 5 ngut ki khunh kaba iwei iba dang shu khlad shen.
Kat kum ka jinglap jong ka seng ba kane ka longïing ka dei kaba donkam shisha ïa ka jingrap namar u kpa jong kane ka longïing ula khlad noh bad kumba juh long ka ïing barim ba kane ka longkmie ka juh shong juh sah kam long shuh, khamtam haka por Lyiur ka hap ba leit sah sha ki ïing ki sem jong ki kur ki jait namar kala peit jaw um lut.
Mynta ka sngi la donlang ruh u Aimon Syad General Secretary, Waheh Shnong ma C. Siang shai, Waheh Dong Sahsalie ma Pyllang Chyrmang ha ka jingïadonlang kiwei de. Ïa ka jingïalang la pynïaid da u D. Tang Pro Pastor.
U ma D. Laloo haba kren nyngkong ula ai nguh ïa U Blei uba dei lyngba jingïarap jong u Blei la lah ban leh ïa kane ka kam ba bha ïa kiwei, ula ong ba u dap da ka mynsiem kaba kmen haba ïoh kum kane ka lad ban ai jingïarap ïa ki baduk ba rangli.
Shuh shuh ula ong ba kane ka jingai jingïarap jong ka seng sha kiba duk kam dei ka sien kaba nyngkong hynrei ka seng ka la juh ai naka por sha ka por, kum kine ki jingïarap, kum ka seng kan nangïai bteng ïa kane ka kam katkum ka jingkot jong ka bor sha kiba duk ba rangli la pynkut u ma D. Laloo.