Shillong, Nohprah 29 : U nongïalam ka UDP uba dei u myntri ka sorkar MDA u ma Kyrmen Shylla u la ong ailad ïaka UDP ha u 2023 ban ïalam ïa ka sorkar kan sa pyni da ki kam kumno kan shakri ïaki paidbah.
“ Ailad ïaka UDP ban ïalam ïak a sorkar ngin sa pyni kaei kaba ngin leh na ka bynta ki paidbah” ong u ma Kyrmen
U kular ba ka Party kan trei shitom na ka bynta ban wanrah ïa ka roi ka par. “ Ngin pyrshang ban leh ïa kaba bha tam khnang ba kawei ka vote ruh kan ym sep ei” ong u ma Kyrmen.
U la kyntu ïaki paidbah ba kim dei ban shah thied ha ka pisa namar kam don jingmyntoi ban shah thied ha ka pisa bad hadien pat sa babe kylla kumta ka bha ba jied da kaba khuid ban ym babe.
U la ong ruh ka pisa kam dei kaba pynjop ia ka election. U la ong lada phi ai 1000 shikhlieh briew lada don 45000 ki nongthep vote la poi sha ka 4.5 klur tyngka kumta naei yn ïoh ïa kata ka pisa.
“Haka election ba la 2018 ki paidbah ki la jied ïa nga da ka jingieit bad haduh mynta ruh nga dang ngeit ba kin dang ïai bteng ban jied ïa nga da ka jingieit wat la nga dap da ki jingduna bad bakla ruh nanamar nga dang kwah ban shakri kham bha shuh shuh ïa ki paidbah” ong u ma Kyrmen.
U la ong ruh ba un ym kheiñ sting satia ïa ki kyrtong ba ïaleh pyrshah ïa u ruh namar u kwah ban ïakhun bad jop biang kum u nongmihkhmat ki paidbah. “ Ngan pyrshang ban leh bha bad ban jop biang kum u nongmihkhmat ba ieit ki paidbah. Ki samla ki ïatrei ryngkat ryngkat bad nga bad ki kmie ki kpa jong ki ruh ki kyrshan ïa nga”. ong biang u ma Shylla.
U la ong ruh ba ki dang don bun ki kam ba sahteng ba hap ban pyndep kum ki surok, ki jingkieng , ki college, ki skul bad ter ter.
