Ai khublei u CEM ba pynrung ïa ka ktien Pnar ha ka State Anthem

0

Jowai, K’Lyngkot, 17: U Chief Executive Member (CEM) jong ka Jaiñtia Hills Autonomous District Council (JHADC) Bah Thombor Shiwat uba dei ruh u Vice President jong ka National People Party ka West Jaiñtai Hills District, ula ai khublei kyrpang ïa u Myntri Rangbah ka jylla u Conrad Kongkal Sangma ha kaba ula lah ban pynrung ïa ka ktien Pnar ha ka State Anthem lyngba ka lyngba ka jingïalang kynhun myntri kaba la long shen.
Ha u kyrwoh khubor ba la phah da u Vice President ka NPP ula pynpaw ka jingsngewkmen ïa kane ka rai jong ka sorkar Jylla kaba khlem leh shilliang hadpeng ki Khasi, Garo bad Jaiñtia. U la ai khublei ruh ïa u Symbud Myntri Rangbah ka Jylla u Bah Sniawbhalang Dhar lem bad ki MLA jong ka rilum Jaiñtia ha kaba ki la ïa trei lang ban pynrung ïa ka ktien Pnar ha ka State Anthem kaba la thoh “Ha yupiam pho chong i stad i chlur i kreh chitom ïa pha i pyrto to chi junom.”

Leave A Reply

Your email address will not be published.