Shillong Lber 31: Ka Ministry of Rural Development jong ka Sorkar Pdeng, hynne ka sngi kala aiti ïa ka bhah tyngka kaba kot T.412 Klur tam na ka bynta ban shna ïa ki surok ha ka jylla Meghalaya lyngba ka PMGSY III.
U Symbud Myntri Rangbah ka jylla uba khmih ïa ka Tnad PWD (R&B) u Bah Prestone Tynsong ula pynpaw haka Facebook ka jong u, ïa ka jingsngewkmen ban ïoh pdiang na u Additional Secretary jong ka Ministry of Rural Development u Ashish Kumar Goel, ïa ka Sanction Letter kaba la mang T.412.34 Klur ban shna ïa ki surok ha ka jylla.
U Bah Prestone ula pynpaw ïa ka jingsngewkmen ba ka jylla Meghalaya kala ïoh pdiang ïa katei ka bhah tyngka na ka bynta ka PMGSY III ban shna ïaka surok kaba jrong 443 Kilometer ha ka jylla.
