Shillong, Lber 19: Ha ka sngi baar ki shipai jong ka 193 Battalion ka Border Security Force Meghalaya, kum shi bynta na ka jingpyrshang ban pynthikna ïa ka bha ka miat jong ki nongshong shnong kiba sah ha shilynter jong u u pud u sam ka ri bad kumjuh ruh ïa ki khynnah skul jong ki shnong kiba don ha khappud ha kaba ki shipai ki la sam ïa ki jingïarap ïa ki nongshong shnong kiba don ha ka shnong Purnanagar kaba shb hapoh ka East Khasi Hills district jong ka Meghalaya.
IA kane ka prokram la plie da ka jingdon kawei ka longkmie kaba la tymmen tam jong ka shnong Purnanagar, kaba pyni ïa ki dak jong ka jingïadei kaba jylliew bha bad ki nongshong shnong katei ka thaiñ.
U Rajiv Kumar, Commandant ka 193 Bn BSF Meghalaya, u la donlang uba la batai halor ka jinglong jong ka jingaiti ki BSF ha kaba ïadei bad ka roi ka san bad ka jingshakri ïa ki paidbah.
Ha kane ka prokram na ka liang ki shipai BSF ki la sam ïa ki tiar kiba kongsan sha ka shnong bad kumjuh ruh sha ki shnong kum ka Betgora, Khaikona, Purnanagar, bad Badrup kum shi bynta ban kyntiew ïa kine ki shnong.
Ha ka prokram la sam ïa ki kor computer, ki meij, bad ki tiar ïalehkai sha ki khynnah skul ban kyrshan ïa ki ban kiew ha ki kam pule puthi bad kiwei ki kam.
Ia kane ka jingsam la leh ha ka jingdonlang ki nonghikai, u rangbah shnong bad ki shnong ba marjan. Na ka liang jong ki, ki la pynpaw ïa ka jingai khublei ïa ki shipai BSF, bad na ka liang ki nongshong shnong ruh ki la pynpaw ïa ka jingïaroh ïa kiwei ki kam ba bha ba la leh da ki BSF.
