Jowai, K’lyngkot 27: Ka ophis District Legal Services Authority (DLSA) ha ka jingïatreilang bad ka District Child Protection Officer, Jowai ki la pynlong ïa ka jingrakhe ïa ka National Girl Child Day da kaba pynlong ïa ka jingpynsngewthuh paidbah halor ka prokram ba 100 sngi halor ka phang “Prevention of Child Marriage” ha ka shnong Saphai, West Jaiñtia Hills District.
Ha kane ka prokram la pynshai paidbah halor ka jingdonkam ban sngewthuh shaphang ka jingshongkha khynnah bad shaphang ka aiñ POCSO, kumjuh ruh shaphang ka jingkitkhlieh jong ka District Child Protection Office bad ka Child Labour.
Ka la don ruh ka jingïaphylliew jingmut bad ka jingkylli jingkylli hapdeng ki nongwan sha kane ka prokram bad ki riew shemphang jong ka ophis.
