Nongpoh, K’Lyngkot 27: Ki bor pynïaid district jong ka Ri-Bhoi hapdeng ka jingshongkun kila shim bynta ban snohktilang ban rakhe ïa ka Republic Day kaba 77 ha ka 26 tarik Kylla Lyngkot ha NSCA Mini Stadium, ha kane ka sngi u Bah Metbah Lyngdoh Myntri ka tnad sam bording ka jyla u la wan ban shim bynta kum u kongsan ban pynher ïa ka lama lai rong ka Ri bad ban shimbynta ha ka Rashtriya Salute haka jingïaid march pass ba la shim bynta lang da ki pulit, ki khynnah skul na ki skul bapher bapher ka Ri Bhoi.
La sakhi ruh ha kane ka sngi da ka jingdonlang u Bah Mayral Born Syiem MLA ka Nongpoh, Kong Rona Khymdeit MDC ka Nongpoh, Bah Isynei Hinge MDC ka Umroi, Bah Mathew Makdoh Nominated MDC ka Nongpoh, u Abhilash Baranwal Deputy Commissioner ka Ri-Bhoi District, u Giri Prasad Superintendent of Police Ri-Bhoi District, ki ophisar na ki tnad sorkar bapher bapher ka district.
Na ka liang ki khynnah skul naki skul bapher bapher ha kane ka sngi da ka jingshitrhem kila shim bynta ha ki prokram bapher bapher naduh ka shad ka rwai da ki jingwai ieid ri, la pynphuh pynphieng ruh ha kane ka sngi da ka jingshim bynta ki tnad sorkar bapher bapher haka jingpyninam ïa ki tableu kiba la pynkhreh kyrpang.
Ha kane ka sngi na ka liang ki bor district ki la sam ruh da ki khusnam bapher bapher sha ki riew shimet, ki nonglehkai sports, ki tnat sorkar bad kiwei kiwei kiba la don bynta ban kyntiew ïa ka imlang ka sahlang ha ka dong Ri-Bhoi lyngba ki kam ba ki shakri kumjuh ruh ka khusnam sha ki skul ba tbit haka jingleh march pass bad ka jingpyninam ïa ki tableu da ki tnad sorkar ha Ri Bhoi.
