Shillong K’ Lyngkot 20: U MLA ka North Shillong Constituency u Bah Adelbert Nongrum u la pynpaw ka jingsngewsih ba u khlem lah ban don ryngkat ha ka jingkhlad jong u Rev. Dr. R R Cunville u nongïalap ba khraw ïa ka ktien u Blei, namar ba u don ha Vellore ban phah checkup.
U Bah MLA u la phah ka khubor sngewlem sha ka kurim u Pastor Cunville bad ïa ki khun ki kti bad kiba ieid ba thoiñ jong u.
Ha kajuh ka por u Bah Nongrum u la ïathuh ïa ka jingïakynduh jong u bad u Rev. Cunville uba la pyllait ïa ka por ban ïashongkai bad u ha u snem 2023 hadien jong ka ilekshon watla hapdeng ka jingbunkam jong u kum u nongïalap ha kylleng ka pyrthei hynrei u dang ai ïa ka por ban shongkai bad u.
Na ka liang jong u, ula ïathuh ba ha kane ka jingïakynduh um sngew lah ban mutdur ba u ïoh ban shongkai bad u Pastor Cunville haduh ar kynta hynrei u la ong ba kane kadei ka jingpynïaid uba najrong.
U Bah Adelbert u la ong ba kane ka pynsah jingkynmaw ïa u bad pynpaw ba u sngewbynnud bad kular ba un ym klet ïa ka ïing ka sem jong u Rev. Cunville bad un buh ka jingdwai ba kyrpang ba u Blei un phah ïa u mynsiem bakhuid ba un ai ka jingpyntngen bad ka jingsuk ïa baroh ha ka ïing ka sem.
